製造年月同入樽期係咪一樣？點解咁重要？

日本清酒標籤上嘅「製造年月」係法例要求標示嘅項目，常見格式為「2013.10」或者「13.10」，300ml 以下細支可以省略「年月」兩個字，輸入品就以「輸入年月」代替；香港講嘅入樽期就係呢一格。清酒多數逐批釀造，同牌子唔同批次味道會有差異，生酒更加要睇日期同保存溫度。我哋網店索性將入樽期寫入產品名，例如北鹿酒造 北秋田 大吟釀 720ml - 金賞 (入樽期 2025.02)，客人一眼就知攞到邊一批。