🕵️誰是臥底

誰是臥底係乜

大部分人收到同一個詞，得少數人（臥底）收到一個相似但唔同嘅詞，有人甚至冇詞（白板）。輪流用一句話描述自己個詞，再投票淘汰最可疑嗰位：平民要捉出臥底，臥底要扮到最後。

WhiskyChill 版內置 8 個新手友善題包（日常飲品、杯具酒具、日常物件、酒局小食，加港式美食、生活、玩樂、日常生活），全部係屋企枱面都搵得到嘅詞——水／啤酒、開瓶器／扳手、高腳杯／shot 杯、花生／薯片。另備一個「地獄測試」進階包，想考酒知識先自己揀。每對詞附一句真知識。

準備

• 一部手機或平板（開住呢頁就得）；兩地玩就用「開房連線玩」，各自一部機。
• 4–12 人。先講清規則：唔可以講出自己個詞，只可以描述。

玩法（一部手機傳住玩）

1. 揀人數（進階設定可改題包、臥底數、白板數、罰則，或自創題目）。
2. 撳「開始派詞」，手機順住傳：每人撳「睇我張卡」，睇完撳「蓋返」傳下一位。
3. 全部睇完，輪流用一句話描述（可開 90 秒計時）。
4. 討論完撳「進入投票」，揀一位淘汰。
5. 畫面即時揭身份：臥底全被淘汰＝平民勝；臥底追平人數＝臥底勝；未分勝負入下一輪。

玩法（開房連線玩）

1. 切去「開房連線玩」，撳「開新房間」，出房號同邀請連結。
2. 朋友用手機或電腦撳連結（或輸房號）入房，夠 4 人房主開局。
3. 每人喺自己部機睇自己個詞，系統自動計票判勝負。

主持技巧（村規）

• 加註版：講完要補一句「點解」，唔可以只講「好飲」。
• 白板版：7 人以上可設白板；白板生存到最後就當成功潛伏。
• 罰則版：開局前揀「飲一啖」或「飲一整杯」，全場同意先好用。
• 無酒精版：開工具區「無酒精模式」，罰則自動改成做動作（深蹲、讚朋友）。

禁止酒駕・飲酒過量有害健康・未滿 18 歲請勿飲酒